“O‘zbekgidroenergo” AJ V Toshkent xalqaro investitsiya forumida yirik xalqaro hamkorlik kelishuvlariga erishdi

V Toshkent xalqaro investitsiya forumi doirasida “O‘zbekgidroenergo” AJ tomonidan AQSHning “77 Construction USA Corp.”, Xitoyning “China Huaneng Group”, Hindistonning “Adani Group”, Yaponiyaning “MUFG Bank”, Germaniyaning “AKA Bank”, Xorvatiyaning “Koncar” va “In Foro Viridi”, Jahon banki guruhi hamda Afg‘oniston Tashqi savdo vazirligi vakillari bilan qator muhim ikki tomonlama uchrashuvlar o‘tkazildi.

 

 

Forum davomida gidroenergetika sohasida yirik investitsiya loyihalarini amalga oshirish, davlat-xususiy sheriklik (DXSh) mexanizmlarini kengaytirish, xalqaro moliyalashtirishni jalb etish hamda ilg‘or texnologiyalarni joriy etish masalalariga alohida e’tibor qaratildi.

 

 

Uchrashuvlar natijasida:

 

— “77 Construction USA Corp.” bilan EPC+F va DXSh formatlarida hamkorlikni ko‘rib chiqish, Pskom GES loyihasida ishtirok etish bo‘yicha kelishuvlarga erishildi;

 

— Jahon banki guruhi bilan Xojikent GАES loyihasi, MIGA kafolatlari va grant dasturlari bo‘yicha hamkorlik kengaytirildi;

 

— “China Huaneng Group” bilan DXSh tamoyili asosida yirik istiqbolli investitsiya loyihalarni amalga oshirish bo‘yicha memorandum imzolandi;

 

— “Adani Group” bilan qo‘shma ishchi guruh tashkil etish va investitsiya loyihalarini birgalikda ishlab chiqish bo‘yicha kelishuvga erishildi;

 

— MUFG Bank va AKA Bank bilan yirik loyihalarni uzoq muddatli moliyalashtirish mexanizmlari muhokama qilindi;

 

— “Koncar” va “In Foro Viridi” bilan kichik va o‘rta GES loyihalarida hamkorlik yo‘lga qo‘yildi;

 

— Afg‘oniston tomoni bilan gidroenergetika uskunalarini yetkazib berish va loyihalash bo‘yicha hamkorlik yo‘nalishlari kelishib olindi.

 

 

Mazkur forum “O‘zbekgidroenergo” AJ uchun xalqaro hamkorlik geografiyasini sezilarli darajada kengaytirib, yirik investitsiya loyihalarini amalga oshirish bo‘yicha aniq amaliy natijalarni ta’minladi.