JCH—2026: Niderlandiya Shvetsiyani yirik hisobda mag‘lub qildi
“F” guruhining so‘nggi turida niderlandlar Tunisga, shvedlar esa Yaponiyaga qarshi maydonga tushadi.
AQSHning Hyuston shahridagi “NRG” stadionida bo‘lib o‘tgan JCH—2026 “F” guruhi 2-tur uchrashuvida Niderlandiya Shvetsiyani 5:1 hisobida mag‘lub etdi.
Niderlandlar safida Brayan Brobbi dubl qayd etib (5, 17), jamoasining g‘alabasiga poydevor qo‘ydi. Ikkinchi bo‘limda Kodi Gakpo ham ikki bor raqib darvozasini ishg‘ol qildi (47, 54). Shvetsiyaning yagona goliga Entoni Elanga mualliflik qildi (59). Bahsdagi so‘nggi gol esa 89-daqiqada Kristofer Sammervil tomonidan shvedlar darvozasiga kiritildi.
Shu tariqa, Niderlandiya turnirdagi ilk g‘alabasini qo‘lga kiritgan bo‘lsa, Shvetsiya ilk mag‘lubiyatini qabul qilib oldi. Guruhning so‘nggi turida niderlandlar Tunisga, shvedlar esa Yaponiyaga qarshi maydonga tushadi.
