Hindistondagi o‘quv markazida yuz bergan yong‘inda kamida 14 kishi halok bo‘ldi
Yong‘in paytida binoda 16–17 yoshli o‘quvchilar bo‘lgan.
Hindistonning Uttar-Pradesh shtati markazi Laknau shahridagi o‘quv markazida yuz bergan yirik yong‘in oqibatida kamida 14 kishi halok bo‘ldi. Bu haqda shtat bosh vaziri o‘rinbosari Brajesh Patxak ma’lum qildi deydi TASS.
Uning so‘zlariga ko‘ra, yong‘in sodir bo‘lgan vaqtda binoda 16–17 yoshli o‘quvchilar bo‘lgan. Hodisa oqibatida bir necha kishi turli darajada tan jarohati olgan.
Ijtimoiy tarmoqlarda tarqalgan videolarda o‘quvchilarning alanga va quyuq tutundan qochish maqsadida binoning derazalaridan sakrab tushayotgan tasvirlari aks etgan.
Dastlabki ma’lumotlarga ko‘ra, yong‘in kelib chiqish sabablari aniqlanmoqda. Hodisa yuzasidan vakolatli organlar tomonidan tergov harakatlari boshlangan.
