O‘zbekiston sirkulyar iqtisodiyot va atrof-muhit boshqaruvi bo‘yicha xalqaro hamkorlikni kengaytirmoqda
Sirkulyar iqtisodiyot rivojida O‘zbekiston va BMT Yevropa iqtisodiy komissiyasi hamkorligida qator tashabbuslar ilgari surildi.
Amaliy tashrif doirasida Birlashgan Millatlar Tashkiloti Bosh kotibi o‘rinbosari, BMT Yevropa iqtisodiy komissiyasi (YeIK) Ijrochi kotibi Tatyana Molchan Chiqindilarni boshqarish va sirkulyar iqtisodiyotni rivojlantirish agentligi direktori Sharifbek Hasanov bilan uchrashdi.
Muloqot chog‘ida O‘zbekistonda sirkulyar iqtisodiyotni rivojlantirish bo‘yicha BMT YeIK bilan hamkorlikni kengaytirish, chiqindilarni boshqarish sohasini jadal raqamlashtirish, Markaziy Osiyoda mintaqaviy hamkorlikni mustahkamlash hamda Bazel konvensiyasi mintaqaviy markazini tashkil etishni qo‘llab-quvvatlash masalalari muhokama qilindi.
Tomonlar, shuningdek, O‘zbekistonning BMT YeIK bilan sirkulyar iqtisodiyot, ekologik xavfsizlik, atrof-muhitni boshqarish jarayonlarini raqamlashtirish hamda mintaqaviy hamkorlikni rivojlantirish yo‘nalishlaridagi hamkorligi muhim ahamiyat kasb etishini ta’kidladilar.
