O‘zbekistonda qaysi tuman va shaharlarda eng ko‘p aholi yashaydi?
2026-yil 1-aprel holatiga O‘zbekiston aholisi qariyb 38,4 million kishiga yetdi.
Milliy statistika qo‘mitasi ma’lumotlariga ko‘ra, 2026-yil 1-aprel holatiga O‘zbekistonning doimiy aholisi soni qariyb 38,4 million kishini tashkil etgan.
Aholi soni bo‘yicha hududlar kesimida Namangan shahri 731,3 ming nafar aholi bilan mamlakatda birinchi o‘rinni egallagan. Keyingi o‘rinlarda Samarqand shahri (607,6 ming kishi) va Urgut tumani (588,6 ming kishi) qayd etilgan.
Shuningdek, Andijon shahri 506 ming nafar, Denov tumani 442,7 ming nafar aholi bilan eng yirik hududlar qatoridan joy olgan.
Aholisi eng ko‘p bo‘lgan TOP-10 hududlar ro‘yxatiga Olmazor tumani (419,6 ming kishi), Pastdarg‘om tumani (401,5 ming kishi), Yunusobod tumani (395 ming kishi), Shayxontohur tumani (374,6 ming kishi) hamda Asaka tumani (369,6 ming kishi) ham kiritilgan.
