“Men har biringizni eshitaman”: Saida Mirziyoyeva OAV xodimlarini kasb bayrami bilan tabrikladi
Prezident administratsiyasi rahbari jurnalistlarning faoliyati davlat boshqaruvida muhim o‘rin tutayotganini ta’kidladi.
Prezident administratsiyasi rahbari Saida Mirziyoyeva Matbuot va ommaviy axborot vositalari xodimlari kuni munosabati bilan jurnalistlar va media sohasi vakillarini kasb bayrami bilan tabrikladi.
Uning ta’kidlashicha, so‘nggi yillarda O‘zbekiston media sohasi professional jihatdan sezilarli darajada rivojlandi. Dolzarb va murakkab masalalar ochiq muhokama qilinayotgani, jurnalistlar bildirayotgan fikrlar esa davlat idoralari tomonidan qabul qilinayotgan qarorlarga tobora kuchliroq ta’sir ko‘rsatayotgani qayd etildi.
“Men har biringizni eshitaman. Sizlarning so‘zingiz, qat’iyatingiz hamda halolligingiz tufayli hayotimizda juda ko‘p narsa yaxshi tomonga o‘zgarmoqda. Bunga sizning befarq emasligingiz, shijoatingiz va jasoratingiz sabab bo‘lmoqda”, — deb yozdi Saida Mirziyoyeva.
Shuningdek, u barcha jurnalist va ommaviy axborot vositalari xodimlariga sihat-salomatlik hamda baxt tiladi.
