“Oltin qalam” Milliy mukofoti – 2026 tanlovi g‘olib va sovrindorlari taqdirlandi

27-iyun – Matbuot va ommaviy axborot vositalari xodimlari kuni munosabati bilan Toshkentdagi “O‘zbekiston” anjumanlar saroyida tantanali bayram tadbiri bo‘lib o‘tdi. Unda O‘zbekiston Respublikasi Prezidenti Shavkat Mirziyoyevning soha vakillariga yo‘llagan bayram tabrigi Sherzod Asadov tomonidan o‘qib eshittirildi.

 

 

Prezident matbuot kotibi Sherzod Asadovning ma’lum qilishicha, davlat rahbari tabrigida mamlakatda so‘z erkinligini ta’minlash, ommaviy axborot vositalarini qo‘llab-quvvatlash, davlat organlari faoliyatining ochiqligini kengaytirish hamda zamonaviy mediamakonni shakllantirish borasida amalga oshirilayotgan islohotlarga alohida e’tibor qaratilgan.

 

 

Shuningdek, erkin va mas’uliyatli, xalqchil jurnalistika jamiyat hamda davlat taraqqiyotining muhim omillaridan biri ekani ta’kidlangan. 

 

 

OAV xodimlari uchun imkoniyatlarni kengaytirish, ularning huquq va manfaatlarini himoya qilish, kasbiy mahoratini oshirish hamda ijtimoiy qo‘llab-quvvatlash ishlari bundan buyon ham izchil davom ettirilishi qayd etilgan.

 

 

Tadbir davomida Prezident farmoniga muvofiq yuksak davlat mukofotlariga sazovor bo‘lgan soha vakillariga orden va medallar topshirildi. Shuningdek, jurnalistika sohasidagi nufuzli “Oltin qalam” Milliy mukofoti – 2026 tanlovi g‘olib va sovrindorlari e’lon qilinib, jurnalistlar, blogerlar hamda ommaviy axborot vositalari vakillari tantanali ravishda taqdirlandi.

 

 

Bosh mukofotni “O‘zbekiston 24” telekanalining “Tahlilnoma” ko‘rsatuvi jamoasi oldi. Ularga Prezident sovg‘asi "BYD Chazor" avtomobili topshirildi.

 

Bosma nashrlar yo‘nalishi:

 

• 1-o‘rin – “Jadid” gazetasi tahririyati jamoasi (bosh muharrir Iqbol Mirzo);
• 2-o‘rin – Mudofaa vaziri maslahatchisi Olimjon Usarov;
• 3-o‘rin – Qoraqalpog‘iston bo‘yicha muxbir Alyona Aminova.

 

Radio yo‘nalishi:

 

• 1-o‘rin – “Yoshlar” radiosi bosh muharriri Nargiza Kamolova;
• 2-o‘rin – “Oriyat Dono” radiosi boshlovchisi Sanjar Tursunov;
• 3-o‘rin – “Navoiy” radiosi katta muharriri Shahnoza Mahmudova.

 

Internet nashrlari yo‘nalishi:

 

• 1-o‘rin – Anhor.uz bosh muharriri o‘rinbosari Boburjon Karimov;
• 2-o‘rin – Zamon.uz nashri jamoasi;
• 3-o‘rin – Ishonch.uz muharriri Maftuna Karimova.