Namanganda ham 18 yoshli yigit suvda cho'kib ketdi
Ma'lumotlarga ko'ra, yigit 3 kundan beri topilmayapti.
Namangan viloyatida Shimoliy Farg‘ona kanaliga cho‘kib ketgan 17 yoshli yigitni qidirish ishlari davom etmoqda. Bu haqda Zamon.uz manbalari xabar berdi.
Ma’lum qilinishicha, 2008-yilda tug‘ilgan Diyorbek Olimjonov 26-iyun kuni taxminan soat 14:00 larda Namangan viloyati Davlatobod tumani 6-mikrorayon hududidan o‘tuvchi Shimoliy Farg‘ona kanalida ehtiyotsizlik oqibatida suvga tushib ketgan.
Oila a’zolarining ma’lum qilishicha, hodisadan bir necha kun o‘tganiga qaramay, yigitning jasadi hali ham topilmagan.
Ularning ta’kidlashicha, qidiruv ishlarini tezlashtirish maqsadida mas’ul tashkilotlarga bir necha bor murojaat qilingan. Biroq kanalda qidiruv ishlarini yengillashtirish uchun suv sarfi hozircha kamaytirilmagan.
Eslatib o'tamiz, avvalroq Buxoroda 17 yoshli yigit kanalda cho‘kib halok bo‘lgani, marhumning jasadi bir kundan so‘ng suvdan olib chiqilgani xabar qilingan edi.
