O'zbekiston

O‘zbekistonda profilaktika inspektori ishiga aralashish, asossiz yuklama berish taqiqlanadi

Profilaktika inspektorlari, yo‘l-patrul, patrul-post va qo‘riqlash xizmatlari yagona tizimga birlashtiriladiю

O‘zbekistonda profilaktika inspektori ishiga aralashish, asossiz yuklama berish taqiqlanadi

Prezident Shavkat Mirziyoyev profilaktika inspektorlari va jamoat xavfsizligini ta’minlash faoliyatini takomillashtirish, shuningdek, sohada kadrlar tayyorlash tizimini rivojlantirish yuzasidan ishlab chiqilgan takliflar taqdimoti bilan tanishdi.

 

Taqdimotda jamoat xavfsizligi bo‘linmalari faoliyati samaradorligini baholash mezonlarini "aholiga xizmat ko‘rsatuvchi tizim" tamoyili asosida belgilash taklif etildi. Bunda asosiy maqsad aholining jamoat xavfsizligini ta’minlash sohasida amalga oshirilayotgan chora-tadbirlardan roziligi va ishonchiga erishish ekani qayd etildi.

 

Shu maqsadda profilaktika inspektorlari, yo‘l-patrul, patrul-post va qo‘riqlash xizmatlari faoliyatini o‘zaro uyg‘unlashtirish, ularning aholi murojaatlariga tezkor munosabat bildirish, fuqarolar bilan ochiq muloqot qilish hamda xavf guruhiga kiruvchi shaxslar bilan manzilli ishlash bo‘yicha vazifalarini yagona tizimga birlashtirish rejalashtirilmoqda.

 

Jumladan, yo‘l harakati xavfsizligini ta’minlashdagi ayrim funksiya va vakolatlarni patrul-post hamda qo‘riqlash xizmatlariga, jamoat tartibini saqlashga oid ayrim vakolatlarni esa yo‘l-patrul xizmatiga o‘tkazish ko‘zda tutilgan.

 

Qayd etilishicha, bugungi kunda mamlakatdagi qariyb 9 ming mahallada 10 mingdan ortiq profilaktika inspektori xizmat qilmoqda. Davlat rahbari bu katta kuch ekanini ta’kidlab, jinoyatchilikni jilovlashda, avvalo, profilaktika inspektori faoliyatini to‘g‘ri tashkil etish zarurligini qayd etdi.

 

Taqdimotda amalda profilaktika inspektorlariga ularning xizmat vazifasiga kirmaydigan qariyb 50 ta qo‘shimcha vazifa yuklatilgani, buning oqibatida ayrim hollarda ular mahallalarda jinoyatchilikning oldini olish va aholi muammolarini hal etish o‘rniga boshqa ishlarga jalb etilayotgani ta’kidlandi.

 

Shu munosabat bilan ishlab chiqilgan "Ichki ishlar organlari profilaktika inspektorining maqomi to‘g‘risida"gi qonun loyihasi haqida axborot berildi. Loyiha bilan profilaktika inspektorining huquqiy maqomi, vazifalari, huquqlari, majburiyatlari, kasbiy faoliyati kafolatlari, ijtimoiy-huquqiy himoyasi, rag‘batlantirish va javobgarlik choralari aniq belgilanishi nazarda tutilgan.

 

Qonun loyihasiga ko‘ra, profilaktika inspektorining ustuvor maqsadi aholi ishonchining yuqori darajasiga erishish hamda xizmat hududida jinoyatchilikni jilovlashdan iborat bo‘ladi. U xizmat hududida tergovga qadar tekshiruv va huquqbuzarliklar profilaktikasini amalga oshiruvchi mansabdor shaxs sifatida belgilanadi.

 

Loyihaga muvofiq, profilaktika inspektoriga faqat qonunda belgilangan vazifalar yuklanadi. Uning huquqlari, sha’ni, qadr-qimmati va ishchanlik obro‘si davlat himoyasi ostida bo‘ladi. Shuningdek, uning kasbiy faoliyatiga aralashish, xizmatiga taalluqli bo‘lmagan topshiriqlar va asossiz yuklamalar berish taqiqlanadi.

 

Qonun loyihasida profilaktika inspektoriga huquqbuzarliklar profilaktikasi turini mustaqil tanlash, majburiy profilaktik ko‘rsatmalar berish, taqdimnoma kiritish va uning ijrosini talab qilish, o‘z profilaktik tadbirlar uslubini ishlab chiqish hamda vakolati doirasida tegishli hujjatlarni rasmiylashtirish huquqi berilishi nazarda tutilgan.

 

Bundan tashqari, profilaktika inspektori ichki ishlar organlari xodimlarining kasbiy madaniyat va xizmat intizomi kodeksiga qat’iy rioya qilishi, fuqarolarning huquqbuzarliklar to‘g‘risidagi har qanday murojaatini qabul qilib, tezkor munosabat bildirishi, hodisa joyiga zudlik bilan yetib borishi va jabrlanganlarga birinchi tibbiy hamda boshqa zarur yordamni ko‘rsatishi shart bo‘ladi.

 

Qonun loyihasida profilaktika inspektorlarining ijtimoiy-huquqiy himoyasini kuchaytirish ham nazarda tutilgan. Xususan, hokimliklarga ularni xizmat xonasi va uy-joy bilan ta’minlash majburiyati yuklanishi, faoliyatiga to‘sqinlik qilganlik uchun ma’muriy javobgarlik joriy etilishi hamda uzoq yillar xizmat qilgan xodimlar uchun pensiya ta’minoti bo‘yicha qo‘shimcha kafolatlar yaratilishi rejalashtirilgan.

 

Shuningdek, profilaktika inspektorlarining ayrim ma’muriy huquqbuzarliklar bo‘yicha ma’muriy jazo qo‘llash vakolatlari kengaytirilishi, ayrim moddalar bo‘yicha esa ma’muriy ogohlantirish qo‘llash huquqi berilishi ko‘zda tutilmoqda.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.