Jahon

Rossiyada "do‘st bo‘lmagan" davlatlar fuqarolarining bank hisoblari muzlatilmoqda

Rossiyaning "do‘st bo‘lmagan davlatlar" ro‘yxatiga 49 ta davlat, jumladan Yevropa Ittifoqiga a’zo barcha 27 mamlakat kiritilgan.

Rossiyada "do‘st bo‘lmagan" davlatlar fuqarolarining bank hisoblari muzlatilmoqda

Rossiyada "do‘st bo‘lmagan" davlatlar fuqarolari bo‘lgan ayrim xorijliklar bank hisoblari va omonatlari bloklanayotganidan shikoyat qilmoqda. Bu haqda  T-Bank, Sberbank va VTB mijozlariga tayanib, DW  xabar berdi.

 

Xabarga ko‘ra, iyun oyidan boshlab Rossiya prezidenti Vladimir Putinning xorijiy kreditorlar oldidagi majburiyatlarni tartibga soluvchi farmoni amal qilish doirasi kengaytirilib, xorijlik norezidentlarning bank omonatlarini ham qamrab oldi. Shu munosabat bilan ayrim mijozlarga hisoblari farmon talablarini bajarish maqsadida bloklangani haqida xabarnomalar yuborilgan.

 

Hisoblari cheklanganlar orasida "iste’dod vizasi" egalari, Rossiyaning "an’anaviy ma’naviy-axloqiy qadriyatlari"ga sodiqligini bildirgan xorijliklar hamda "do‘st bo‘lmagan" davlatlardan Rossiyaga ko‘chib o‘tish uchun hujjat rasmiylashtirayotgan etnik ruslar ham bor.

 

Yangi tartibga ko‘ra, "do‘st bo‘lmagan" davlatlar fuqarosi bo‘lgan norezidentlarning oyiga 10 million rubldan ortiq depozit daromadlari maxsus "S" turidagi hisobvaraqlarga o‘tkaziladi. Ushbu hisobvaraqlardagi mablag‘lardan foydalanish imkoniyati esa keskin cheklangan.

 

Farmonda yangi qoidalar barcha turdagi omonatlarga yoki faqat muddatli depozitlarga tatbiq etilishi aniq ko‘rsatilmagani sababli banklar uni turlicha talqin qilmoqda.

 

Rossiya Markaziy banki zarurat tug‘ilganda yangi normalar yuzasidan rasmiy izoh berishini ma’lum qilgan. Hisoblari cheklangan mijozlar esa regulyator yoki sud orqali ushbu qaror ustidan shikoyat qilishi mumkin.

 

Ma’lumot o‘rnida, Rossiya "do‘st bo‘lmagan davlatlar" ro‘yxatini 2021-yilda tuzgan edi. Rossiyaning Ukrainaga bostirib kirishi va Moskva qarshi sanksiyalar joriy etilganidan so‘ng ushbu ro‘yxat kengaytirildi. Hozirda unga 49 ta davlat, jumladan Yevropa Ittifoqiga a’zo barcha 27 mamlakat kiritilgan.

Iordaniyada cherkovga qilingan hujum: uch nafar erkak o‘lim jazosiga hukm qilindi

Iordaniyada cherkovga qilingan hujum: uch nafar erkak o‘lim jazosiga hukm qilindi

Hujum 23-oktyabr kuni yunon pravoslav cherkovida dafn marosimi vaqtida sodir bo‘lgandi.

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Tibet chegara politsiyasi tarkibidagi maxsus bo‘linmalar yaqin masofadagi janglar, tog‘li hududlarda harakatlanish va dronlardan foydalanish bo‘yicha tayyorgarlikdan o‘tkazilmoqda.

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qaror ustidan shikoyat qilishini bildirdi.

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

U Suriyadagi terrorchilik tashkiloti a’zosiga olti marta pul o‘tkazgan.

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Tashabbus inson huquqlari tashkilotlarining tanqidiga sabab bo‘lmoqda.

Rossiya neft eksportiga zarba: Ukraina Samara viloyatidagi stansiyani nishonga oldi

Rossiya neft eksportiga zarba: Ukraina Samara viloyatidagi stansiyani nishonga oldi

Ukraina harbiylari ushbu obyektni Rossiyaning urushni moliyalashtirayotgan neft sanoati uchun muhim infratuzilma deb atagan.

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Bunday qurilmalar nafaqat harbiy yuklarni tashish va evakuatsiya, balki granatomyot hamda tankka qarshi qurollar yordamida hujum operatsiyalariga ham jalb etilmoqda.

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

U shunchaki xabar olish orqali profilni egallab olish mumkinligi haqidagi da’volarni rad etdi.