Saida Mirziyoyeva Fransiyaning Yevropa va tashqi ishlar vaziri bilan uchrashdi
Prezident administratsiyasi rahbari Fransiya O‘zbekistonning Yevropadagi muhim strategik hamkorlaridan biri bo‘lib qolayotganini ta’kidladi.
O‘zbekiston Prezidenti administratsiyasi rahbari Saida Mirziyoyeva Fransiyaning Yevropa va tashqi ishlar vaziri Jan-Noel Barro bilan uchrashuv o‘tkazganini ma’lum qildi.
Mirziyoyevaning ta’kidlashicha, Fransiya O‘zbekistonning Yevropadagi muhim strategik hamkorlaridan biri bo‘lib qolmoqda.
Qayd etilishicha, ikki davlat o‘rtasidagi hamkorlik energetika, transport, infratuzilma, ta’lim va sog‘liqni saqlash kabi yo‘nalishlarni qamrab oladi.
Saida Mirziyoyeva O‘zbekiston Markaziy Osiyodagi ishonchli va barqaror hamkor sifatidagi mavqeini saqlagan holda, Fransiya hamda umuman Yevropa davlatlari bilan sheriklikni bundan buyon ham izchil mustahkamlash niyatida ekanini ta’kidladi.
