Eldor Shomurodovning goli JCH-2026 guruh bosqichining eng chiroyli goli deb topildi
Futbolchining mundialdagi tarixiy goli FIFA ovoz berishida Messi, Mbappe va Vinisius Juniorning gollarini ortda qoldirdi.
FIFA rasmiy saytida 2026-yilgi Jahon chempionati guruh bosqichida urilgan eng chiroyli golni aniqlash bo‘yicha o‘tkazilgan ovoz berish yakunlariga ko‘ra, O‘zbekiston milliy terma jamoasi sardori Eldor Shomurodovning Kongo DR darvozasiga kiritgan goli birinchi o‘rinni egalladi.
Mazkur gol guruh bosqichining 3-turida bo‘lib o‘tgan uchrashuvning 10-daqiqasida urildi. Jarima maydoniga uzatilgan to‘pga o‘z vaqtida yetib borgan Shomurodov o‘tkir burchak ostida bo‘lishiga qaramay, to‘pni mahorat bilan darvozabon ustidan oshirib yuborib, hisobni ochgandi.
FIFA ushbu golni “santimetrigacha aniq hisoblangan va mukammal ijro etilgan zarba” deya e’tirof etib, u O‘zbekistonning Jahon chempionatidagi tarixiy debyutining eng yorqin lahzalaridan biri bo‘lganini ta’kidladi.
Ovoz berish yakunlariga ko‘ra, Eldor Shomurodovning goli Lionel Messi, Kilian Mbappe va Vinisius Junior kabi jahon futboli yulduzlari tomonidan urilgan gollardan ham ko‘proq ovoz to‘pladi.
Eslatib o‘tamiz, O‘zbekiston milliy terma jamoasi o‘z tarixida ilk bor FIFA Jahon chempionatida ishtirok etdi. Terma jamoa guruh bosqichida Kolumbiya, Portugaliya va Kongo DRga qarshi bahs olib borib, turnirni ushbu bosqichda yakunlagan edi.
