Venesueladagi zilzila qurbonlari soni 2 645 kishiga yetdi
Tabiiy ofat oqibatida 15 mingdan ortiq kishi boshpanasiz qolgan.
Venesuelada 24-iyun kuni sodir bo‘lgan kuchli zilzilalar oqibatida halok bo‘lganlar soni 2 645 nafarga yetdi. Bu haqda mamlakat Aloqa va axborotlashtirish vazirligi ma’lum qildi.
Rasmiy ma’lumotlarga ko‘ra, tabiiy ofat oqibatida 12 666 kishi jarohatlangan, 15 050 kishi boshpanasiz qolgan. Shuningdek, 189 ta bino butunlay vayron bo‘lgan.
Qutqaruv xizmatlari tomonidan olib borilgan amaliyotlar davomida 6 462 kishi vayronalar ostidan tirik qutqarilgan. Shu bilan birga, 20 909 nafar jabrlanuvchiga tibbiy yordam ko‘rsatilgan, 86 117 ta oilaga gumanitar ko‘mak yetkazilgan hamda tabiiy ofatdan zarar ko‘rgan hududlarga 9 486 tonna oziq-ovqat yetkazib berilgan.
Vazirlik ma’lumotiga ko‘ra, zilzilalardan so‘ng mamlakat hududida 890 ta aftershok qayd etilgan.
Eslatib o‘tamiz, 24-iyun kuni Venesuelaning Yarakuy shtatida qariyb 40 soniya farq bilan magnitudasi 7,2 va 7,5 bo‘lgan ikkita kuchli zilzila sodir bo‘lgan edi.
