JCH-2026: Ispaniya so‘nggi daqiqalarda urilgan gol evaziga Portugaliyani musobaqadan chiqarib yubordi
Krishtianu Ronaldu bu safar ham mundialda omadsizlikka uchradi.
Jahon chempionatining 1/8 final bosqichidan o‘rin olgan markaziy uchrashuvda Ispaniya va Portugaliya terma jamoalari o‘zaro to‘qnash keldi.
Murosasiz kechgan bahs taqdirini uchrashuvning so‘nggi daqiqalari hal qildi. Asosiy vaqtga qo‘shib berilgan 90+1-daqiqada zaxiradan maydonga tushgan Mikel Merino raqib darvozasini ishg‘ol qilib, Ispaniyaga 1:0 hisobidagi g‘alabani taqdim etdi.
Shu tariqa, Ispaniya chorak final yo‘llanmasini qo‘lga kiritgan bo‘lsa, Portugaliya mundial bilan xayrlashdi. Bu Krishtianu Ronaldu uchun faoliyatidagi so‘nggi Jahon chempionati bo‘lishi kutilayotgan edi va u turnirni 1/8 final bosqichidayoq tark etdi.
JCH-2026, 1/8 final Portugaliya — Ispaniya 0:1
Gol: Mikel Merino 90+1.
Ma’lumot o‘rnida, Ispaniya chorak finalda Belgiya — AQSh uchrashuvi g‘olibiga qarshi maydonga tushadi.
