O‘zbekiston va Belarus Prezidentlari Minskda norasmiy uchrashuv o‘tkazdi
Uchrashuvda bo‘lajak muzokaralar kun tartibi hamda ikki tomonlama hamkorlik masalalari yuzasidan fikr almashildi.
O‘zbekiston Prezidenti Shavkat Mirziyoyevning Belarusga rasmiy tashrifi doirasida Minsk shahrida Belarus Prezidenti Aleksandr Lukashenko bilan norasmiy uchrashuv bo‘lib o‘tdi.
Uchrashuv avvalida Aleksandr Lukashenko Shavkat Mirziyoyevni samimiy qutlab, Belarusga tashrif buyurgani uchun minnatdorlik bildirdi. Tomonlar bo‘lajak oliy darajadagi muzokaralar kun tartibi yuzasidan fikr almashdi.
Shuningdek, tashrif arafasida o‘tkazilgan tadbirlar, jumladan, O‘zbekiston va Belarus ishbilarmon doiralari vakillari ishtirokidagi Hududlararo forum yakunlari yuqori baholandi.
