Saida Mirziyoyeva Fransiyaning yetakchi kompaniyalari vakillari bilan uchrashdi
Ushbu muzokaralar yaqinda Prezident Emmanuel Makron bilan bo‘lib o‘tgan oliy darajadagi muloqotning uzviy va mantiqiy davomi ekani ta’kidlandi.
Prezident administratsiyasi rahbari Saida Mirziyoyeva Fransiya tadbirkorlari xalqaro harakati (MEDEF International) huzuridagi O‘zbekiston–Fransiya ishbilarmonlar kengashi raisi, “Orano” kompaniyasi direktorlar kengashi rahbari Klod Imoven boshchiligidagi fransuz kompaniyalari delegatsiyasi bilan uchrashuv o‘tkazdi.
Ma’lum qilinishicha, energetika, ta’lim, suv ta’minoti tizimi, transport va shahar infratuzilmasi kabi ustuvor sohalarda hamkorlikni kengaytirish maqsad qilingan.
“Ushbu muzokaralar yaqinda Prezident Emmanuel Makron bilan bo‘lib o‘tgan oliy darajadagi muloqotimizning uzviy va mantiqiy davomidir", deya yozdi Saida Mirziyoyeva.
