JChda ishtirok etgan Janubiy Afrika futbolchisi 25 yoshida vafot etdi
Jeyden Adams yaqinda Janubiy Afrika terma jamoasi safida JCH-2026 da ishtirok etgan edi.
Janubiy Afrika milliy terma jamoasi va Mamelodi Sundowns klubi yarim himoyachisi Jeyden Adams 25 yoshida vafot etdi. Bu haqda Soccer Laduma nashri futbolchining yaqinlariga tayanib xabar berdi.
Nashr ma’lumotiga ko‘ra, Adamsning vakillari va vasiysi uning vafot etganini tasdiqlagan. Biroq o‘lim sababi hozircha oshkor etilmagan.
Futbolchining ustozi Brendin Jonson oila nomidan marhumning yaqinlari og‘ir qayg‘uni boshdan kechirayotganini bildirib, ularning shaxsiy hayotini hurmat qilishni so‘radi.
Jeyden Adams yaqinda Janubiy Afrika terma jamoasi safida FIFA Jahon chempionatida ishtirok etgan edi. U faoliyati davomida avval Stellenbosch FC safida to‘p surib, keyinchalik Mamelodi Sundownsga ko‘chgan hamda milliy terma jamoaning asosiy futbolchilaridan biriga aylangandi.
Nashrning qayd etishicha, futbolchining vafoti bilan bog‘liq qo‘shimcha ma’lumotlar keyinroq e’lon qilinadi.
