JCH-2026: Angliya qo‘shimcha bo‘limlarda Norvegiyani mag‘lub etib, yarim finalga yo‘l oldi
Holland o‘zining ilk Jahon chempionatini 7 ta gol bilan yakunladi.
2026 yilgi Jahon chempionatining chorak final bosqichida Angliya va Norvegiya terma jamoalari o‘rtasidagi bahs muxlislarga keskin kurashni taqdim etdi. Qo‘shimcha bo‘limlargacha cho‘zilgan uchrashuvda inglizlar 2:1 hisobida g‘alaba qozonib, yarim final yo‘llanmasini qo‘lga kiritdi.
Bahsda hisobni 36-daqiqada norvegiyalik Andreas Shelderup ochdi. Biroq birinchi bo‘limga qo‘shib berilgan daqiqalarda Jud Bellingem muvozanatni tikladi va jamoalar tanaffusga 1:1 hisobida yo‘l oldi.
Ikkinchi bo‘limda har ikki jamoada ham gol urish uchun imkoniyatlar bo‘ldi. Norvegiyaning yana bir goli VAR tekshiruvidan so‘ng bekor qilindi va asosiy vaqtda g‘olib aniqlanmadi.
Qo‘shimcha bo‘limning 93-daqiqasida Jud Bellingem norvegiyalik darvozabonning xatosidan unumli foydalanib, o‘zining ikkinchi golini urdi va Angliyaga 2:1 hisobidagi muhim g‘alabani taqdim etdi. Ushbu natijadan so‘ng Tomas Tuxel shogirdlari Jahon chempionatining yarim finaliga yo‘l oldi va endi Argentina — Shveysariya juftligi g‘olibiga qarshi maydonga tushadi.
JCH-2026. Chorak final
Gollar: Shelderup 36 — Bellingem 45+2, 93.
