O‘zbekistonda faoliyat yuritayotgan gazetalar soni 15 yilda 430 taga kamaydi
2026-yil 1-yanvar holatiga mamlakatda 219 ta gazeta faoliyat yuritmoqda.
O‘zbekistonda faoliyat yuritayotgan gazetalar soni so‘nggi yillarda keskin kamayib bormoqda. Milliy statistika qo‘mitasi ma’lumotlariga ko‘ra, 2026-yil 1-yanvar holatiga mamlakatda 219 ta gazeta faoliyat yuritmoqda.
Statistikaga ko‘ra, ushbu gazetalarning yillik umumiy tiraji 30,2 million nusxani tashkil etgan.
Yillar kesimida gazetalar soni quyidagicha o‘zgargan:
- 2010-yilda — 649 ta;
- 2015-yilda — 620 ta;
- 2020-yilda — 366 ta;
- 2025-yilda — 219 ta.
Keltirilgan ma’lumotlar gazeta nashrlari soni so‘nggi 15 yil davomida keskin qisqarganini ko‘rsatmoqda.
