Qozog‘iston O‘zbekistondagi yangi elchisini tayinladi
Tegishli qaror Qozog‘iston Prezidenti tomonidan imzolandi.
Qozog‘iston Prezidenti qarori bilan Yerali Luqpanovich To‘g‘janov Qozog‘istonning O‘zbekistondagi Favqulodda va Muxtor elchisi etib tayinlandi.
Bu haqda Qozog‘iston Prezidenti matbuot xizmati ma’lum qildi.
Yangi tayinlovga ko‘ra, Yerali To‘g‘janov ushbu lavozimda 2022-yil noyabr oyidan buyon faoliyat yuritib kelgan Beybut Atamqulov o‘rnini egalladi.
Qayd etilishicha, Yerali To‘g‘janov bundan buyon Qozog‘istonning O‘zbekiston bilan diplomatik aloqalarini rivojlantirish va ikki tomonlama hamkorlikni mustahkamlash yo‘nalishidagi faoliyatni olib boradi.
