Saida Mirziyoyeva sudyalar va sud tizimi xodimlarini tabrikladi
Saida Mirziyoyeva 25-iyul — Xalqaro sudyalar va sud tizimi xodimlari farovonligi kuni munosabati bilan tabrik yo‘llab, sudyalar farovonligi adolatli va odil sudlovning muhim sharti ekanini ta’kidladi.
Saida Mirziyoyeva 25-iyul — Xalqaro sudyalar va sud tizimi xodimlari farovonligi kuni munosabati bilan tabrik yo‘llab, adolatli odil sudlov sudyalar va sud tizimi xodimlarining jismoniy, ruhiy hamda emotsional farovonligiga bevosita bog‘liqligini ta’kidladi.
Mirziyoyevaning qayd etishicha, sud tizimi xodimlari har kuni insonlar dardi, fojiaviy taqdirlar va murakkab hayotiy vaziyatlarga duch keladi. Sudyalar esa inson taqdiriga ta’sir qiluvchi qarorlar qabul qilib, yuksak ma’naviy mas’uliyatni o‘z zimmasiga oladi.
Sud qarorlarining adolatli bo‘lishi odil sudlovga xizmat qilayotganlarning jismoniy, ruhiy va emotsional holatiga bevosita bog‘liq. Shu bois sudyalar va sud tizimi xodimlari farovonligini ta’minlash adolatli, mustaqil va samarali odil sudlovning muhim shartlaridan biridir.
Shuningdek, u Yangi O‘zbekistonda inson qadri va qonun ustuvorligi oliy qadriyat hisoblangan sud tizimi izchil barpo etilayotganini ta’kidlab, barcha sudyalar va sud tizimi xodimlariga mustahkam sog‘liq, iroda, qat’iyat hamda adolat prinsiplariga sodiqlik tiladi.
