O'zbekiston

Jizzaxda qorovul 4 yil davomida ishlagan korxonasida o‘g‘rilik qilgani aniqlandi

Qorovul navbatchilik kunlari mahalladoshlari bilan korxonadan generator va tikuv mashinalarini olib chiqib sotgani aniqlandi.

Jizzaxda qorovul 4 yil davomida ishlagan korxonasida o‘g‘rilik qilgani aniqlandi

 

Jizzax shahridagi yirik tekstil korxonasida 2022-yildan buyon sodir etib kelingan yirik o‘g‘rilik holati fosh etildi. Bu haqda Ichki ishlar vazirligi ma’lum qildi.

 

Ma’lumotlarga ko‘ra, korxona xo‘jalik mudiri Ichki ishlar organlarining 112 yagona dispetcherlik xizmatiga murojaat qilib, 2022-yildan buyon korxona hududidan jami 91 dona elektr generatori va tikuv mashinasi o‘g‘irlab ketilganini bildirgan. Shuningdek, noma’lum shaxslar mis kabellarni olish maqsadida binoga devorni buzib kirgani aniqlangan.

 

Mazkur holat yuzasidan Jizzax viloyati Ichki ishlar boshqarmasi tezkor-qidiruv xizmati xodimlari tomonidan keng ko‘lamli tezkor tadbirlar o‘tkazilgan. Tergov davomida korxonada turli davrlarda qorovul bo‘lib ishlagan shaxslar tekshirilib, videokuzatuv kameralari yozuvlari va boshqa tezkor ma’lumotlar tahlil qilingan.

 

Natijada Sirdaryo viloyatining Boyovut tumanida yashovchi qorovul navbatchilik qilgan kunlarda davlat raqam belgisi Sirdaryo viloyatiga tegishli avtomashinalar kechki payt korxona hududiga kirib, tongga yaqin chiqib ketgani aniqlangan.

 

Tergov ma’lumotlariga ko‘ra, gumonlanuvchi qorovul navbatchilik vaqtida mahalladoshini korxonaga chaqirib, elektr generatorlari va tikuv mashinalarini noqonuniy ravishda olib chiqib, sotib kelgan. Shuningdek, yana ikki nafar mahalladoshi ushbu buyumlarni tashishda muntazam ishtirok etgani aniqlangan.

 

Surishtiruv davomida o‘g‘irlangan generatorlar, tikuv mashinalari va katta miqdordagi mis kabellar Toshkent viloyatining Bekobod tumanida metallolom qabul qilish bilan shug‘ullanuvchi shaxsga sotilgani ma’lum bo‘lgan. Tezkor tadbirlar davomida undan 4 dona elektr generatori va 7 dona tikuv mashinasi ashyoviy dalil sifatida rasmiylashtirib olingan.

 

Hozirda Jizzax viloyati hamda Jizzax shahar Ichki ishlar boshqarmasi xodimlari tomonidan gumonlanuvchilarning boshqa o‘g‘rilik jinoyatlariga ehtimoliy aloqadorligini aniqlash yuzasidan tezkor-qidiruv va protsessual harakatlar davom ettirilmoqda.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.