O'zbekiston

Maktablarda dars soatlarini taqsimlash tartibi o‘zgardi

Yangi tartib o‘qituvchilarning ish yuklamasini kamaytirish, dars soatlarini taqsimlashni soddalashtirish hamda jarayonni adolatli tashkil etishga qaratilgan.

Maktablarda dars soatlarini taqsimlash tartibi o‘zgardi

Ijtimoiy tarmoqlarda o‘qituvchilar o‘rtasida dars soatlarini taqsimlash tartibi o‘zgargani haqida tarqalgan xabarlar yuzasidan Maktabgacha va maktab ta’limi vazirligi rasmiy izoh berdi.


Vazirlikning ma’lum qilishicha, 2025-yil 28-oktabrda vazirlik, Iqtisodiyot va moliya vazirligi hamda Sog‘liqni saqlash vazirligining qo‘shma qarori bilan “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizomga o‘zgartirish va qo‘shimchalar kiritilgan.

 

Qayd etilishicha, mazkur o‘zgarishlarning asosiy maqsadi o‘qituvchilarning ish yuklamasini kamaytirish, dars soatlarini taqsimlash talablarini soddalashtirish va jarayonni yanada shaffof hamda adolatli tashkil etishdan iborat.

 

Yangi tartibga ko‘ra, avval amalda bo‘lgan dars soatlarini taqsimlashning 19 ta ustuvorlik mezoni 10 taga qisqartirilgan. Vazirlikning ta’kidlashicha, bu o‘zgarishlar ko‘plab o‘qituvchilarning takliflari asosida amalga oshirilgan.

 

Shuningdek, barcha pedagoglar uchun teng imkoniyat yaratish maqsadida dunyoning TOP-1000 oliygohlarini tamomlaganlik yoki xalqaro hamda asosiy fan olimpiadalarida g‘olib o‘quvchilarni tayyorlaganlik kabi mezonlar bekor qilingan. Vazirlik buni bunday imkoniyatlardan barcha o‘qituvchilar ham foydalana olmasligi bilan izohladi.

 

Endilikda dars soatlarini taqsimlashda asosiy e’tibor milliy yoki xalqaro sertifikatlarga ega, zamonaviy kompetensiyalarni egallagan hamda kasbiy salohiyati va mehnat natijalarini namoyon etgan pedagoglarga qaratiladi.

 

Vazirlikka ko‘ra, mazkur tartib o‘z ustida muntazam ishlaydigan, yuqori malakali o‘qituvchilarni qo‘llab-quvvatlash, ta’lim sifatini oshirish va o‘quvchilarning bilim natijalarini yaxshilashga xizmat qiladi. Yangi tartib 2026/2027-o‘quv yilidan boshlab amaliyotga joriy etiladi.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.