O‘zbekistonda ajrimlarning qariyb yarmi farzandsiz oilalar hissasiga to‘g‘ri kelmoqda
Eng ko‘p ajrim Toshkent shahri va Toshkent viloyatida qayd etilgan.
2026-yilning dastlabki olti oyida O‘zbekistonda 24,8 mingta nikohdan ajralish holati qayd etildi. Bu o‘tgan yilning mos davriga nisbatan 1,5 mingtaga ko‘pdir.
Statistik ma’lumotlarga ko‘ra, har ming aholiga to‘g‘ri keladigan ajrimlar koeffitsiyenti 1,3 promilleni tashkil etgan.
Ajrimlarning 14,9 mingtasi (60,1 foizi) shaharlarda, 9,9 mingtasi (39,9 foizi) esa qishloq hududlarida qayd etilgan.
Shuningdek, 2026-yilning ikkinchi choragida ajrimlarning 48,1 foizi farzandsiz oilalar hissasiga to‘g‘ri kelgan. Birinchi chorakda bu ko‘rsatkich 45,2 foizni tashkil etgan bo‘lsa, ikkinchi chorakda u 2,9 foiz punktga oshgan.
Hududlar kesimida eng ko‘p nikohdan ajralish holatlari Toshkent shahri, Toshkent viloyati va Samarqand viloyatida qayd etilgan. Eng past ko‘rsatkichlar esa Sirdaryo, Navoiy va Jizzax viloyatlari hissasiga to‘g‘ri kelgan.
Statistikaga ko‘ra, nikohdan ajralishlarning asosiy qismi shaharlarda sodir bo‘layotgani, shuningdek, ajrimlarning salmoqli qismi farzandsiz oilalarda qayd etilayotgani kuzatilmoqda.
