O'zbekiston

Prezident va nomdor davlat stipendiyalariga hujjatlar qabuli boshlandi

Arizalar 15-avgustgacha qabul qilinadi, talabgorlar o‘zlashtirish va ilmiy faoliyat bo‘yicha belgilangan mezonlarga javob berishi lozim.

Prezident va nomdor davlat stipendiyalariga hujjatlar qabuli boshlandi

1-avgustdan O‘zbekistonda Respublika nomli hamda Prezident davlat stipendiyalariga nomzodlardan hujjatlar qabul qilish boshlandi. Bu haqda Oliy ta’lim, fan va innovatsiyalar vazirligi ma’lum qildi.

 

Vazirlik xabariga ko‘ra, hujjatlar 15-avgustga qadar my.edu.uz platformasi orqali elektron shaklda qabul qilinadi. Tanlovda oliy ta’lim muassasasining birinchi bosqich saralashidan muvaffaqiyatli o‘tgan iqtidorli bakalavriat talabalari ishtirok etishi mumkin.

 

Prezident davlat stipendiyasiga da’vogarlarning akademik o‘zlashtirish ko‘rsatkichlari to‘liq “5” baholardan iborat bo‘lishi kerak. Respublika nomli davlat stipendiyalariga nomzodlar uchun esa “4” baholar ulushi 25 foizdan oshmasligi, “3” bahosi mavjud talabalar tanlovda qatnasha olmasligi belgilangan.

 

Nomzodlar akademik ma’lumotnoma (transkript), dekanat va kafedra tavsiyanomalari, ilmiy yoki ijodiy ish rahbarining tavsiyanomasi, ilmiy ishlari ro‘yxati va ularning nusxalari, shuningdek, O‘zbekiston tarixi hamda chet tillari bo‘yicha suhbat natijalari haqidagi ma’lumotnomalarni taqdim etishi lozim.

 

Bundan tashqari, Prezident davlat stipendiyasiga hujjat topshirayotgan bakalavriat talabalari kamida ikkita e’lon qilingan ilmiy maqola, tezis yoki boshqa ilmiy-tadqiqot ishiga ega bo‘lishi talab etiladi.

 

Hukumatning 2026-yil 6-yanvardagi qarori bilan 2026/2027-o‘quv yilidan boshlab Prezident va nomdor davlat stipendiyalariga nomzodlarni saralashning yangi tartibi joriy etilgan.

 

Yangi tartibga muvofiq, talabgorlar Bilim va malakalarni baholash agentligida axborot texnologiyalari, O‘zbekiston tarixi hamda chet tillari fanlari bo‘yicha maxsus test sinovlarini topshiradi. Keyingi bosqichga o‘tish uchun maksimal ballning kamida 55 foizini to‘plash talab etiladi.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.