Vazirlik mansabdori 6 ming dollar bilan qo‘lga olindimi?
Bosh prokuratura tarqalgan xabarlarga oydinlik kiritdi.
Ijtimoiy tarmoqlarda bir vazirlikning Korrupsiyaga qarshi kurashish bo‘linmasi rahbari go‘yoki 6 ming AQSH dollari bilan qo‘lga olingani haqidagi xabarlar haqiqatga to‘g‘ri kelmaydi. Bu haqda Bosh prokuratura ma’lum qildi.
Qayd etilishicha, ijtimoiy tarmoqlarda tarqalayotgan mazkur ma’lumotlar asossiz bo‘lib, o‘z tasdig‘ini topmagan.
Shu munosabat bilan Bosh prokuratura fuqarolarni faqat rasmiy manbalarda e’lon qilingan axborotlarga tayanishga hamda tekshirilmagan ma’lumotlarni tarqatmaslikka chaqirdi.
