O‘zbekiston Jurnalistlar uyushmasi qoshida Blogerlar ijodiy kengashi tashkil etildi
Kengash blogerlarning kasbiy rivojlanishi, media savodxonligini oshirish va yosh kontent yaratuvchilarni qo‘llab-quvvatlashga qaratiladi.
O‘zbekiston Jurnalistlar uyushmasi qoshida Blogerlar ijodiy kengashi tashkil etildi. Yangi kengash blogerlarning kasbiy salohiyatini oshirish, media savodxonligini rivojlantirish va yosh kontent yaratuvchilarni qo‘llab-quvvatlashga yo‘naltiriladi.
Kengashni tashkil etish tashabbusi shu yil 3-iyun kuni o‘tkazilgan “Loyihalar kuni” taqdimot tadbirida ilgari surilgan edi.
Kengashning ilk yig‘ilishida blogerlar, media ekspertlari, jurnalistlar va soha mutaxassislari ishtirok etdi. Unda kengash faoliyatining ustuvor yo‘nalishlari, blogerlarning kasbiy rivojlanishi va media savodxonligini oshirish masalalari yuzasidan takliflar bildirildi.
Qayd etilishicha, kengash zamonaviy media makonida mas’uliyatli kontent yaratishni qo‘llab-quvvatlash, soha vakillari o‘rtasida tajriba almashish va ochiq muloqot uchun platforma yaratishga xizmat qiladi.
