O‘zbekistonda oʻgʻil bolalar koʻproq tugʻilmoqda
2026-yil yanvar–iyun oylarida qayd etilgan tug‘ilishlarda o‘g‘il bolalar ulushi qiz bolalarnikidan yuqori bo‘ldi.
Milliy statistika qo‘mitasi ma’lumotlariga ko‘ra, 2026-yilning yanvar–iyun oylarida O‘zbekistonda 373 389 ta tirik tug‘ilish holati qayd etilgan.
Tug‘ilgan chaqaloqlarning 192,9 ming nafari yoki 51,7 foizi o‘g‘il bolalar, 180,5 ming nafari yoki 48,3 foizi qiz bolalar hissasiga to‘g‘ri kelgan.
Tug‘ilishlarning hududiy taqsimotida ham shahar va qishloq joylari o‘rtasida farq kuzatilgan. Qayd etilgan tug‘ilishlarning 49 foizi shaharlarda, 51 foizi esa qishloq joylarda to‘g‘ri kelgan.
Shuningdek, hisobot davrida O‘zbekistonda har 1 000 nafar aholiga 19,6 ta tug‘ilish to‘g‘ri kelgan.
Taqqoslash uchun, Milliy statistika qo‘mitasi 2026-yilning yanvar–mart oylarida mamlakatda 191 086 ta tirik tug‘ilish qayd etilganini ma’lum qilgan. O‘sha davrda o‘g‘il bolalar ulushi 51,5 foizni, qiz bolalar ulushi esa 48,5 foizni tashkil etgan.
