Qozog‘iston Ukraina bo‘yicha muzokaralar o‘tkazish uchun o‘z hududini taklif qildi
Moskva Ostonaning mojaroni tinch yo‘l bilan hal etishga qaratilgan sa’y-harakatlarini yuqori baholamoqda.
Qozog‘iston Ukraina atrofidagi vaziyatni tinch yo‘l bilan hal etish bo‘yicha muzokaralar o‘tkazish uchun o‘z hududini bir necha bor platforma sifatida taklif qilgan. Rossiya tomoni Ostona tashabbusini yuqori baholayotganini ma’lum qilgan.
Bu haqda Rossiya tashqi ishlar vaziri o‘rinbosari Mixail Galuzin TASS agentligiga bergan intervyusida ma’lum qilgan.
Galuzinning ta’kidlashicha, Qozog‘iston Rossiyaning yaqin hamkori va ittifoqchisi hisoblanadi. Uning so‘zlariga ko‘ra, Moskva Ostona rahbariyatining Ukraina atrofidagi vaziyatga e’tibor qaratayotgani hamda mojaroni imkon qadar tez va tinch yo‘l bilan hal etishga qaratilgan sa’y-harakatlarini qadrlaydi.
“Qozog‘iston bizning eng yaqin hamkorimiz va ittifoqchimiz bo‘lib, biz u bilan ko‘plab strategik masalalar bo‘yicha ishonchli muloqot olib boramiz”, — degan Galuzin.
Diplomat Qozog‘iston Ukraina mojarosini tinch yo‘l bilan hal etish bo‘yicha muzokaralar uchun o‘z platformasini bir necha bor taklif qilganini ta’kidlagan.
Uning qayd etishicha, Ostona Ukraina atrofidagi vaziyat yuzasidan muloqot va muzokaralar uchun o‘z hududidan foydalanish imkoniyatini taqdim etishga tayyorligini bildirgan.
