Janubiy Afrikaning ayrim hududlarida kuchli qor yog‘di
G‘arbiy Keypdagi tog‘ cho‘qqilari ham qor bilan qoplandi. Mamlakat ob-havo xizmati ayrim hududlarda juda sovuq, yomg‘irli va kuchli shamolli ob-havo kuzatilishi haqida ogohlantirdi.
Janubiy Afrikaning bir qator provinsiyalarida kuchli qor yog‘ib, havo keskin sovidi. Mamlakat janubiga kirib kelgan sovuq havo to‘lqini bir nechta hududlarda qishki ob-havoni yuzaga keltirdi.
Sharqiy Keyp, Kvazulu-Natal va Fri Steyt provinsiyalarining baland hududlarida qor yog‘gani qayd etildi. G‘arbiy Keypdagi tog‘ cho‘qqilariga ham qor tushgan.
Janubiy Afrika ob-havo xizmati mamlakatning ayrim hududlarida yomg‘irli, juda sovuq va shamolli ob-havo kuzatilishi haqida ogohlantirdi. Janubiy Fri Steyt, Shimoliy Keyp, Gauteng va Mpumalanga provinsiyalari ham sovuq havo ta’sirida qolgan.
Sharqiy Keyp va Kvazulu-Natalning ichki hududlarida ham sovuq va nam ob-havo kuzatilmoqda. Tog‘li hududlarda qor yog‘ishi davom etishi mumkin.
Kuchli shamol va yomg‘irli ob-havo sovuqni yanada kuchaytirayotgan bo‘lsa, mamlakatning sohilbo‘yi hududlarida dengiz to‘lqinlari kuchaygani qayd etilgan.
Bu holat mamlakatda odatda kuzatiladigan nisbatan iliq qish sharoitidan keskin farq qilmoqda.
