Jahon

Kolumbiyadagi zilzila oqibatida halok bo‘lganlar soni 132 kishiga yetdi

1 575 ta turar joy binosi zarar ko‘rgan, mamlakatda milliy falokat holati e’lon qilingan.

Kolumbiyadagi zilzila oqibatida halok bo‘lganlar soni 132 kishiga yetdi

 

Kolumbiyada sodir bo‘lgan 7,4 magnitudali kuchli zilzila oqibatida 132 kishi halok bo‘ldi, yana 570 kishi jarohat oldi. Bu haqda Caracol telekanali rasmiy ma’lumotlarga tayanib xabar berdi.

 

Zilzila dushanba kuni ertalab mamlakat g‘arbidagi Choko departamentining San-Xose-del-Palmar munitsipaliteti yaqinida yuz bergan edi. Yer silkinishi Kolumbiyaning katta qismi, shuningdek, qo‘shni davlatlarda ham sezilgan.

 

Tabiiy ofat oqibatida 1 575 ta turar joy binosi zarar ko‘rgan, shundan 37 tasi to‘liq vayron bo‘lgan. Shuningdek, 18 ta tibbiyot muassasasi, 52 ta ta’lim muassasasi, 18 ta yo‘l va yettita aeroport zarar ko‘rgan.

 

Eng og‘ir vaziyat Pereyra va Kofe mintaqasi, shuningdek, Valle-del-Kauka va Choko departamentlarida kuzatilmoqda. Mamlakatning qator hududlarida qizil xavf darajasi e’lon qilingan, ayrim aeroportlar faoliyati vaqtincha to‘xtatilgan.

 

Kolumbiya hukumati milliy falokat holatini e’lon qilgan. Ayni paytda hududlarda qidiruv-qutqaruv va zararlarni bartaraf etish ishlari davom ettirilmoqda.

 

Ma’lumotlarga ko‘ra, mazkur zilzila Kolumbiyada so‘nggi o‘n yil ichida qayd etilgan eng kuchli seysmik hodisalardan biri bo‘lgan. Yer silkinishlari Venesuela, Ekvador va Panamada ham sezilgan.

 

AQSh tabiiy ofat oqibatlarini bartaraf etish ishlariga ko‘maklashish uchun qariyb 16 million dollar ajratgan.

Iordaniyada cherkovga qilingan hujum: uch nafar erkak o‘lim jazosiga hukm qilindi

Iordaniyada cherkovga qilingan hujum: uch nafar erkak o‘lim jazosiga hukm qilindi

Hujum 23-oktyabr kuni yunon pravoslav cherkovida dafn marosimi vaqtida sodir bo‘lgandi.

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Xitoy ziddiyati: Dehli tog‘li hududlarda jangovar tayyorgarlikni kuchaytirmoqda

Hindiston–Tibet chegara politsiyasi tarkibidagi maxsus bo‘linmalar yaqin masofadagi janglar, tog‘li hududlarda harakatlanish va dronlardan foydalanish bo‘yicha tayyorgarlikdan o‘tkazilmoqda.

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qariyb 900 mln dollar jarimaga tortildi: kompaniya foydalanuvchilarning shaxsiy foto va videolariga roziliksiz kirgan

Meta qaror ustidan shikoyat qilishini bildirdi.

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

Janubiy Koreyada o‘zbekistonlik talaba qamaldi: u terrorchilik guruhini moliyalashtirishda ayblandi

U Suriyadagi terrorchilik tashkiloti a’zosiga olti marta pul o‘tkazgan.

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Ruandada deportatsiya markazi: Germaniya va yana to‘rt davlat kelishuvga tayyorlanmoqda

Tashabbus inson huquqlari tashkilotlarining tanqidiga sabab bo‘lmoqda.

Rossiya neft eksportiga zarba: Ukraina Samara viloyatidagi stansiyani nishonga oldi

Rossiya neft eksportiga zarba: Ukraina Samara viloyatidagi stansiyani nishonga oldi

Ukraina harbiylari ushbu obyektni Rossiyaning urushni moliyalashtirayotgan neft sanoati uchun muhim infratuzilma deb atagan.

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Ukraina jang maydonida robotlardan foydalanmoqda: ular hujum va evakuatsiyaga jalb etilmoqda

Bunday qurilmalar nafaqat harbiy yuklarni tashish va evakuatsiya, balki granatomyot hamda tankka qarshi qurollar yordamida hujum operatsiyalariga ham jalb etilmoqda.

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

Telegram’dagi zaifliklar bo‘yicha bahs: Durov xakerlarni o‘z akkauntini buzishga chaqirdi

U shunchaki xabar olish orqali profilni egallab olish mumkinligi haqidagi da’volarni rad etdi.