Mustaqillik bayramida o‘zbekistonliklar necha kun dam oladi?
Haftasiga 5 kun ishlovchilar ketma-ket to‘rt kun, 6 kun ishlovchilar esa ketma-ket uch kun dam oladi.
O‘zbekistonda 2026-yilgi Mustaqillik bayrami munosabati bilan fuqarolar necha kun dam olishi ma’lum bo‘ldi.
Prezidentning 2026-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risidagi farmoniga ko‘ra, 5 kunlik ish haftasida ishlaydigan xodimlar 29-avgustdan 1-sentyabrgacha ketma-ket 4 kun dam oladi.
Dam olish kunlari quyidagicha:
- 29-avgust, shanba — odatiy dam olish kuni;
- 30-avgust, yakshanba — odatiy dam olish kuni;
- 31-avgust, dushanba — barcha xodimlar uchun qo‘shimcha ishlanmaydigan kun;
- 1-sentyabr, seshanba — Mustaqillik kuni, rasmiy bayram va ishlanmaydigan kun.
6 kunlik ish haftasida ishlaydigan xodimlar uchun esa 30-avgustdan 1-sentyabrgacha 3 kun ketma-ket dam olish belgilanadi. Bunda 29-avgust, shanba — bayram oldi qisqartirilgan ish kuni hisoblanadi.
2-sentyabr, chorshanba kuni barcha xodimlar uchun odatiy ish kuni bo‘ladi.
