O‘zbekistonda yil boshidan buyon ish joylarida 146 kishi halok bo‘ldi
Yanvar–iyul oylarida mehnat faoliyati bilan bog‘liq 529 ta baxtsiz hodisa qayd etilgan.
2026-yilning yanvar–iyul oylarida O‘zbekistonda mehnat faoliyati bilan bog‘liq 529 ta baxtsiz hodisa qayd etildi. Bu haqda Davlat mehnat inspeksiyasi ma’lum qildi.
Inspeksiya ma’lumotlariga ko‘ra, qayd etilgan hodisalarning 24 tasi guruhiy, 372 tasi og‘ir oqibatli, 132 tasi esa o‘lim bilan yakunlangan.
Hisobot davrida baxtsiz hodisalar oqibatida jami 580 nafar fuqaro jabrlangan. Ularning 402 nafari og‘ir, 22 nafari yengil tan jarohati olgan, 146 nafari esa vafot etgan.
Shuningdek, ishlab chiqarishdagi baxtsiz hodisalardan jabrlangan fuqarolar va ularning oila a’zolariga bir martalik hamda oylik to‘lovlar ko‘rinishida jami 11 milliard 379 million so‘m undirib berilgan.
Taqqoslash uchun, 2025-yil davomida O‘zbekistonda mehnat faoliyati bilan bog‘liq 849 ta baxtsiz hodisa qayd etilgan bo‘lib, ularda 961 kishi jabrlangan va 248 nafar fuqaro halok bo‘lgan.
Shunday qilib, 2026-yilning dastlabki yetti oyida qayd etilgan baxtsiz hodisalar soni 2025-yilning to‘liq yilidagi ko‘rsatkichning qariyb 62 foizini, o‘limlar soni esa 63 foizini tashkil etgan.
