Qashqadaryodagi ixtisoslashtirilgan maktablar bitiruvchilarining ko‘pi oliygoh talabasi bo‘ldi
Uchta maktabda bitiruvchilarning 100 foizi talaba bo‘ldi, bir qator maktablarda esa bu ko‘rsatkich 80–90 foizni tashkil etdi.
Qashqadaryo viloyatidagi Prezident, ijod va ixtisoslashtirilgan maktablar bitiruvchilari 2025–2026-o‘quv yili yakunlari bo‘yicha oliy ta’lim muassasalariga kirishda yuqori natijalarni qayd etdi.
Eng yuqori ko‘rsatkich Qarshi shahridagi Prezident maktabi, Abdulla Oripov nomidagi ijod maktabi hamda Qarshi tumani ixtisoslashtirilgan maktabi bitiruvchilarida qayd etilgan. Ushbu uchta maktabda bitiruvchilarning barchasi — mos ravishda 23, 40 va 45 nafar o‘quvchi OTMga o‘qishga kirgan.
Shuningdek, Kitob tumani ixtisoslashtirilgan maktabida 90 bitiruvchidan 87 nafari (96,7 foiz), Qarshi shahridagi 1-son ixtisoslashtirilgan maktabda 53 nafardan 51 nafari (96,2 foiz), Shahrisabz tumani ixtisoslashtirilgan maktabida esa 22 nafardan 21 nafari (95,5 foiz) talaba bo‘lgan.
Dehqonobod tumanidagi maktabda 58 bitiruvchidan 55 nafari (94,8 foiz), Chiroqchi tumanida 50 nafardan 47 nafari (94 foiz), Yakkabog‘ tumanida 40 nafardan 37 nafari (92,5 foiz) OTMga qabul qilingan.
Qolgan maktablarda ham natijalar quyidagicha:
- Ko‘kdala tumani — 9 nafardan 8 nafari (88,9 foiz);
- Kasbi tumani — 53 nafardan 46 nafari (86,8 foiz);
- Muborak tumani — 29 nafardan 25 nafari (86,2 foiz);
- Shahrisabz shahri — 37 nafardan 30 nafari (81,1 foiz);
- Koson tumani — 27 nafardan 21 nafari (77,8 foiz);
- Nishon tumani — 23 nafardan 16 nafari (69,6 foiz);
- Qamashi tumani — 21 nafardan 14 nafari (66,7 foiz).
Ma’lumotlar Qashqadaryo viloyati Maktabgacha va maktab ta’limi boshqarmasi tomonidan e’lon qilingan.
