O‘zbekiston TIV Ukrainani mustaqillik kuni bilan tabrikladi
“Ukrainadagi barcha do‘stlarimizni Mustaqillik kuni bilan samimiy tabriklaymiz!” – deyiladi vazirlikning X’dagi sahifasida.
O‘zbekiston tashqi ishlar vazirligi X`dagi sahifasida Ukrainani Mustaqillik kuni bilan tabrikladi.
“Ukrainadagi barcha do‘stlarimizni Mustaqillik kuni bilan samimiy tabriklaymiz!” – deb yozgan vazirlik postida.
Ukraina Oliy Radasi 1991-yil 24-avgustda mamlakatning davlat mustaqilligi to‘g‘risidagi deklaratsiyani qabul qilgan. Mazkur qaror 1-dekabr kuni o‘tkazilgan umumxalq referendumida tasdiqlangan. Referendumda ovoz berganlarning 90 foizdan ortig‘i mustaqillikni qo‘llab-quvvatlagan.
Shundan so‘ng Ukraina sobiq Sovet Ittifoqi tarkibidan chiqib, mustaqil davlat sifatida shakllangan. 24-avgust mamlakatning asosiy davlat bayramlaridan biri – Mustaqillik kuni sifatida nishonlab kelinadi.
