"Toshkent xalqaro yarimmarafoni" sabab ayrim ko‘chalarda harakat cheklanadi

6-sentyabr kuni Toshkent shahrida O‘zbekiston davlat mustaqilligining 35-yilligi munosabati bilan "Toshkent xalqaro yarimmarafoni" ommaviy yugurish musobaqasi o‘tkaziladi.

 

 

Tadbir ishtirokchilari va harakat xavfsizligini ta’minlash maqsadida 6-sentyabr kuni soat 05:00 dan 14:00 gacha poytaxtning ayrim ko‘chalarida avtotransport vositalari harakati vaqtincha cheklanadi.

 

 

Cheklovlar quyidagi ko‘chalarga taalluqli:

 

• Islom Karimov ko‘chasi — Furqat ko‘chasidan Sharaf Rashidov shoh ko‘chasigacha;
• Sharaf Rashidov shoh ko‘chasi — Afrosiyob ko‘chasidan Islom Karimov ko‘chasigacha;
• Afrosiyob ko‘chasi — Islom Karimov ko‘chasidan Oybek ko‘chasigacha;
• Oybek ko‘chasi — Afrosiyob ko‘chasidan Nukus ko‘chasigacha;
• Nukus ko‘chasi — Oybek ko‘chasidan Abdulla Qodiriy ko‘chasigacha;
• Abdulla Qodiriy ko‘chasi — Nukus ko‘chasidan Hamidulla Oripov ko‘chasigacha;
• Hamidulla Oripov ko‘chasi — Abdulla Qodiriy ko‘chasidan Mustaqillik shoh ko‘chasigacha;
• Mustaqillik shoh ko‘chasi — Mirzo Ulug‘bek shoh ko‘chasidan Amir Temur xiyobonigacha;
• Amir Temur xiyoboni atrofidagi yo‘llar — Buxoro va Shahrisabz ko‘chalarigacha;
• Alisher Navoiy ko‘chasi — Shahrisabz ko‘chasidan Furqat ko‘chasigacha;
• Botir Zokirov ko‘chasi — Alisher Navoiy ko‘chasidan Afrosiyob ko‘chasigacha;
• O‘qchi ko‘chasining Botir Zokirov ko‘chasiga tutash qismi.

 

Ishtirokchilar va tomoshabinlar soni ortgan taqdirda, ushbu hududlarga tutash ayrim yo‘llarda ham harakat vaqtincha cheklanishi mumkin.

 

Haydovchilarga safarlarini oldindan rejalashtirish, muqobil yo‘nalishlardan foydalanish hamda yo‘l belgilari va mas’ul xodimlarning ko‘rsatmalariga amal qilish tavsiya etildi.