Shavkat Mirziyoyev Serbiyaga jo‘nab ketdi
Tashrif doirasida oliy darajadagi muzokaralar va biznes-forum o‘tkaziladi.
Shavkat Mirziyoyev Serbiya Prezidenti Aleksandr Vuchichning taklifiga binoan rasmiy tashrif bilan Serbiyaga jo‘nab ketdi.
Tashrif doirasida Belgrad shahrida O‘zbekiston va Serbiya davlat rahbarlarining oliy darajadagi muzokaralari o‘tkaziladi.
Muzokaralarda ikki mamlakat o‘rtasidagi ko‘p qirrali hamkorlikni yanada rivojlantirish va mustahkamlashning dolzarb masalalari muhokama qilinadi.
Shuningdek, O‘zbekiston va Serbiya rasmiylari hamda ishbilarmon doiralari vakillari ishtirokida biznes-forum o‘tkazilishi rejalashtirilgan.
Tashrif yakunlari bo‘yicha ikki tomonlama hamkorlikni rivojlantirishga qaratilgan salmoqli hujjatlar to‘plamini imzolash ko‘zda tutilgan.
