Chirchiqda yuk mashinasining tirkamasi xonadonga urildi
Xonadonga yetkazilgan zarar qoplanishi bildirildi.
Chirchiqda “Howo” yuk mashinasiga ulangan yarim tirkama ajralib chiqib, yo‘l chetidagi xonadonga urildi. Hodisa oqibatida hech kim jabrlanmadi. Bu haqda Toshkent viloyati IIBB xabar berdi.
Ma’lum qilinishicha, voqea 10-sentyabr kuni soat 16:00 atrofida shaharning Sadriddin Ayniy ko‘chasida yuz bergan.
1977-yilda tug‘ilgan haydovchi yuk mashinani boshqarib ketayotganida unga ulangan yarim tirkama texnik sababga ko‘ra ajralib chiqqan. Tirkama yo‘l chetidagi xonadonga borib urilgan va shu yerda to‘xtagan.
Hodisa tufayli yo‘lda transport harakati vaqtincha cheklangan. Mashinalar aylanma yo‘llar orqali harakatlangan. Keyinchalik yo‘l harakati to‘liq tiklangan.
Qayd etilishicha, xonadonga yetkazilgan zarar qonunchilikda belgilangan tartibda qoplanadi.
Hodisa yuzasidan Chirchiq shahar IIB surishtiruv olib bormoqda.
