Jahon

«Uning hech qachon qo‘llanilmasligiga kafolat yo‘q»: Putin yadroviy qurol haqida gapirdi

Rossiya prezidenti "Valday” xalqaro munozara klubining yalpi majlisida yadroviy qurol qo‘llanishi ehtimoli haqida gapirib, uni teatr sahnasida devorga osilgan va oxir-oqibat o‘q uzishi kerak bo‘lgan miltiqqa qiyosladi.

«Uning hech qachon qo‘llanilmasligiga kafolat yo‘q»: Putin yadroviy qurol haqida gapirdi

Rossiya prezidenti Vladimir Putin dunyoda “halokatli oqibatlarga” olib kelishi mumkin bo‘lgan ssenariy yuzaga kelishi ehtimoli haqida gapirdi. U 1-oktyabr kuni kechqurun Xalqaro munozara klubi “Valday”ning yalpi majlisida so‘zlab, ayrim davlatlar arsenalida “barcha tirik mavjudotlarni yo‘q qilishga qodir” qurol mavjudligini ta’kidladi. Bunday qurol hech qachon qo‘llanmasligiga ishonish mumkinmi, deya o‘ziga savol berib, “yo‘q” deb javob berdi.

 

Putin yadroviy qurolni teatr sahnasida devorga osilgan va spektakl yakunida o‘q uzishi kerak bo‘lgan miltiqqa qiyosladi.

 

“Teatr boshida sahnada devorga osilgan miltiq bo‘lsa, u oxir-oqibat o‘q uzishi kerak. Buni yodda tutishimiz va bunga yo‘l qo‘ymasligimiz kerak”, — dedi u.

 

Putinning aytishicha, omon qolish uchun kurash qonunlari nafaqat tirik tabiatda, balki ijtimoiy jamoalarda ham amal qiladi. U Rossiya vaziyat taqozosi bilan “keskin choralar” ko‘rishga majbur bo‘lishi mumkinligini aytdi. Shu bilan birga, yadroviy qurol qo‘llanishining oldini olish uchun barcha choralarni ko‘rish kerakligini ta’kidladi.

 

“Yashashni istasak — axir, hamma yashashni xohlaydi — keling, ahil yashaylik”, — dedi Putin.

 

U vaziyat yanada keskinlashsa, “maktab darsliklari ham, ulardan ta’lim oladiganlar ham qolmaydi”, deya dunyoda yadroviy falokat yuz berishi mumkinligiga yana bir bor ishora qildi.

 

Putin yana G‘arbni Ukrainadagi urushni boshlaganlikda aybladi

 

Rossiyaning Ukrainaga qarshi urushi haqida gapirar ekan, Putin Moskva “urushni boshlamaganini”, Rossiyaning Ukrainaga bostirib kirishi NATO va Ukrainaning harakatlariga javob bo‘lganini da’vo qildi.

 

“Gap shundaki, bu urushni biz xohlamadik va biz boshlamadik, balki ular biz bilan urush boshladi”, — dedi Rossiya prezidenti.

 

Putinning talqiniga ko‘ra, G‘arb yillar davomida Ukrainada “tajovuzkor millatchilik va rusofobiya”ni rag‘batlantirgan hamda mamlakatni Rossiyaga qarshi “qurol”ga aylantirishga harakat qilgan. Uning aytishicha, Kiyevdagi “radikallar” “davlat to‘ntarishi”ga undalgan, Rossiyaning “tarixiy hududlari”da esa NATO harbiy bazalarini joylashtirish rejalashtirilgan.

 

Putin Yevropa va dunyodagi hozirgi vaziyatni “juda xavfli” deb atab, G‘arb davlatlarini “tajovuzkor intilishlar”da aybladi. Reuters ham uning chiqishida dunyodagi vaziyatni xavfli deb baholaganini va G‘arbni Ukrainadagi qarama-qarshilikni yanada kuchaytirmaslikka chaqirganini qayd etgan.

 

Putin Rossiya qo‘shinlarining hududiy yutuqlari haqida gapirdi

 

Ukrainadagi urushning borishi haqida gapirar ekan, Putin Rossiya qo‘shinlari so‘nggi bir oyda avvalgi oyga nisbatan 3,5 barobar ko‘proq hududni egallaganini aytdi.

 

Uning da’vosiga ko‘ra, Rossiya hozir Donetsk viloyati hududining 89 foizini nazorat qilmoqda. Urushni o‘rganish instituti (ISW) ma’lumotlariga ko‘ra esa, Rossiya Donbass hududining 81 foizini nazorat qilmoqda.

 

Bundan bir necha kun avval Kiyev “Vivaldi” qarshi hujum operatsiyasining uch bosqichi davomida Ukraina Qurolli kuchlari 176 kvadrat kilometr hududni qaytarib olganini ma’lum qilgan edi.

 

Putin esa “Valday” forumida Rossiya ushbu hududlarning barchasini egallashiga ishonch bildirdi va Ukrainaning ular uchun kurashishda davom etishidan ma’no yo‘qligini aytdi.

 

Putin sun’iy intellekt sabab urush qoidalarini qayta ko‘rib chiqishga chaqirdi

 

Putin jangovar harakatlarni olib borish bo‘yicha yangi xalqaro konvensiya ishlab chiqish taklifini ham ilgari surdi. Bunga sabab sifatida u sun’iy intellekt texnologiyalarining jadal rivojlanishini ko‘rsatdi.

 

U 1983-yilda sovet zobiti Stanislav Petrov bilan yuz bergan voqeani misol qilib keltirdi. O‘sha paytda Petrov amaldagi protokolga muvofiq yadroviy zarba berish haqida buyruq berishi kerak bo‘lgan, biroq bunday qarorni qabul qilmagan. Putinning fikricha, sun’iy intellekt bunday vaziyatda boshqacha qaror qabul qilgan bo‘lardi.

 

Putin Yevropadagi harbiy korxonalarga zarba berish ehtimolini ham tilga oldi

 

Rossiya prezidenti Yevropadagi harbiy korxonalarga zarba berish ehtimoli haqidagi savolga javob berar ekan, Moskva bunday yo‘l tutishni “albatta” rejalashtirmayotganini, biroq “tahdidlarni kuzatib borishini” aytdi.

 

Uning so‘zlariga ko‘ra, G‘arb davlatlarining Rossiya hududiga berilayotgan zarbalarda bevosita ishtirok etishi Moskva tomonidan to‘g‘ridan-to‘g‘ri tahdid sifatida baholanadi.

 

Putin, shuningdek, Rossiyaga to‘g‘ridan-to‘g‘ri hujum qilingan taqdirda Moskva ixtiyoridagi barcha qurollardan foydalanish masalasi kun tartibiga chiqishini aytgan.

 

“Valday” nega Sochidan Moskva viloyatiga ko‘chirildi?

 

Bu yil “Valday” klubi yig‘ilishi Sochidan Moskva viloyatiga ko‘chirildi. Tadbir o‘tkazilgan hududda Rossiyaning havo hujumidan mudofaa vositalari ko‘proq jamlangani aytilmoqda.

 

Britaniyaning Financial Times gazetasi to‘rt manbaga tayanib yozishicha, tadbir joyini o‘zgartirishga Ukraina Qurolli kuchlarining kuchaygan hujumlari fonidagi xavfsizlik xavotirlari sabab bo‘lgan. Manbalardan ikkitasi joyni o‘zgartirish qarori Putin xavfsizlik xizmati talabi bilan qabul qilingan.

Rossiya va Ukraina o‘zaro zarbalarni davom ettirmoqda: neft zavodlari va turar joylar nishonga olindi

Rossiya va Ukraina o‘zaro zarbalarni davom ettirmoqda: neft zavodlari va turar joylar nishonga olindi

Ukraina zarbalar Rossiya armiyasini yoqilg‘i bilan ta’minlaydigan korxonalarga qaratilganini bildirdi. Rossiyaning Odessaga hujumi oqibatida 4 kishi halok bo‘ldi.

Yamanda janglar kuchaydi: Saudiya koalitsiyasi husiylarning 60 ta obyektiga zarba berdi

Yamanda janglar kuchaydi: Saudiya koalitsiyasi husiylarning 60 ta obyektiga zarba berdi

Mamlakatning Taiz viloyatida hukumat kuchlari va husiylar o‘rtasida shiddatli janglar davom etmoqda.

Tailandda toza suv muammosi: bunga Myanmadagi konlar sabab bo‘lmoqda

Tailandda toza suv muammosi: bunga Myanmadagi konlar sabab bo‘lmoqda

Tailandning Myanma bilan chegaradosh hududida suv manbalarida mishyak miqdori belgilangan me’yordan 25–30 baravar yuqori ekani aniqlandi.

Toshkentdagi Umra mojarosi: Qirg‘iziston fuqarolariga qo‘shni davlatlar orqali safar qilmaslik aytildi

Toshkentdagi Umra mojarosi: Qirg‘iziston fuqarolariga qo‘shni davlatlar orqali safar qilmaslik aytildi

12-noyabrdan beri 104 nafar qirg‘izistonlik ziyoratchi Toshkentda qolib ketgan.

Dunyoda 240 millionga yaqin o‘smir yetarlicha jismoniy faol emas — JSST

Dunyoda 240 millionga yaqin o‘smir yetarlicha jismoniy faol emas — JSST

Ularning atigi 14 foizi haftaning barcha kunlarida kamida bir soatdan faol harakat qiladi.

Ukrainaga yana 45 milliard yevro: Yevropa Komissiyasi yangi yordam paketini taklif qildi

Ukrainaga yana 45 milliard yevro: Yevropa Komissiyasi yangi yordam paketini taklif qildi

Bu mamlakatning kelgusi yilgi 70 milliard yevrolik moliyaviy ehtiyojining uchdan ikki qismini qoplaydi.

Putin va Si Szinpin uchrashuvi yakunlandi: nimalar muhokama qilindi?

Putin va Si Szinpin uchrashuvi yakunlandi: nimalar muhokama qilindi?

Bu yil boshidan buyon ularning beshinchi uchrashuvi bo‘ldi.

Patriot tizimlari va raketa qurilmalari nishonda: Eron Quvaytdagi AQSh harbiy bazasiga hujum qildi

Patriot tizimlari va raketa qurilmalari nishonda: Eron Quvaytdagi AQSh harbiy bazasiga hujum qildi

Avvalroq Bahrayndagi AQSh radar stansiyasi ham nishonga olingan edi.