Fransiyadagi noroziliklar Belgiyaga ham tarqaldi: 200 dan ortiq kishi hibsga olindi
Namoyishchilar ta’lim sohasidagi islohotlar va o‘qish to‘lovlarining oshirilishiga qarshi chiqmoqda.
Belgiyada talabalar noroziliklari fonida Lyej va Bryusselda tartibsizliklar qayd etildi. Rasmiylar Lyejda 16-oktyabrgacha uch kishidan ortiq odamning jamoat joylarida to‘planishini taqiqlagan.
Nashr ma’lumotlariga ko‘ra, tartibsizliklar Belgiyaning Lyej shahrida boshlangan. Mahalliy OAV shu oyda talabalar noroziliklari bilan bog‘liq ravishda 200 dan ortiq kishi hibsga olinganini ma’lum qilgan.
Namoyishlar Bryusselga ham tarqalgan. Qayd etilishicha, protest ishtirokchilari ta’lim sohasidagi islohotlar va o‘qish to‘lovlarining oshirilishiga qarshi chiqmoqda.
Shuningdek, Lyej shahrida hokimiyat 16-oktyabrgacha uch kishidan ortiq odamning jamoat joylarida yig‘ilishini taqiqlagan.
Avvalroq Fransiya bo‘ylab davom etayotgan o‘quvchilar noroziliklari sababli 375 ta litseyda ta’lim jarayoni to‘liq yoki qisman izdan chiqqani xabar qilingandi.
Namoyishlar boshlanganidan buyon 215 nafar o‘quvchi, 700 dan ortiq huquq-tartibot xodimi va qariyb 100 nafar ta’lim sohasi xodimi jabrlangan.
