7 та вилоят ҳокимлиги пойтахтда меҳмонхона қуради
Бу бўйича Тошкент шаҳар ҳокими вазифасини бажарувчи Бахтиёр Раҳмонов қарор чиқарди.
Тошкент шаҳар ҳокими вазифасини бажарувчи Бахтиёр Раҳмонов пойтахт ҳудудидан Наманган, Сурхондарё, Андижон, Сирдарё, Бухоро, Самарқанд ва Фарғона вилояти ҳокимликларига меҳмонхона қуришга ер ажратиш тўғрисида қарор чиқарди.
Вилоятлар ҳокимликларига пойтахтнинг Мирзо Улуғбек тумани “Чингелди” МФЙ ҳудудидан меҳмонхона қуриш учун 0,32 гектар ер майдони ажратилган.
Тошкент шаҳар Мирзо Улуғбек Чингелди маҳалласидаги 0,32 гектар ер майдони қуйидаги 7 та вилоят ҳокимлигига меҳмонхона қуриш учун доимий фойдаланишга берилган:
▪️Наманган
▪️Андижон
▪️Фарғона
▪️Сирдарё
▪️Сурхондарё
▪️Бухоро
▪️Самарқанд
Вилоят ҳокимликлари ушбу ҳудуднинг топографик харита ва геологик хулосасини ишлаб чиқиш учун "Қурилишда муҳандислик қидирувлари, геоахборот ва шаҳарсозлик кадастри лойиҳа илмий-текшириш давлат институти" ДУК Тошкент шаҳар филиалига буюртма бериши белгиланган.
Шунингдек, Янгиҳаёт туманидаги Файзли МФЙ ҳудудида метрологик станция қуриш учун аҳоли яшаш жойидан 0,15 гектар ажратиш ҳақида ҳам қарор чиқарилган.
Талабалар шаҳарчасидаги Миллий университетга тегишли 0,15 гектар ер эса пойтахт ҳокимлиги захирасига ўтказилган.
