Afg‘onistonning ikki viloyatida sodir bo‘lgan zilzila qurbonlari soni 900 nafardan oshdi, deb xabar bermoqda "Aamaj News".
Paktika va Xostda viloyatlarida 610 kishi jarohat oldi.
“Prezident saroyida Bosh vazir mulla Muhammad Hasan Oxund raisligida favqulodda yig‘ilish bo‘lib o‘tdi. Unda Paktika va Xostdagi zilzila qurbonlariga har tomonlama yordam ko‘rsatish masalasi muhokama etildi”, — deb yozdi harakat matbuot kotibi Zabihulla Mujohid tvitterda.
Xabarda aytilishicha, hukumat zilzila qurbonlariga hamdardlik bildirishdan tashqari, tegishli idoralarga hududga tezkor guruhlarni jo‘natish bo‘yicha ko‘rsatma berdi. Shuningdek, qurbonlar oilalariga moddiy yordam ko‘rsatish va yaradorlarni davolash choralari ko‘rildi.
Maʼlumotlarga ko‘ra, Paktika, Paktiya, Xost, Lag‘mon, G‘azni, Lo‘gar va Kobul viloyatlarida qayd etilgan zilzila kuchi Rixter shkalasi bo‘yicha 6,1 ballni tashkil qilgan.