Америкалик аёл соч қуритгич сабаб бир қўлидан айрилди
У ҳозир бир қўлда яшашни ўрганмоқда.
АҚШнинг Жанубий Каролина штатида яшовчи Мери Уилсон сочларини фенда қуритмоқчи бўлиб, бир қўлидан бутунлай айрилди.
Гап шундаки, аёл сочларини қуритиш учун ваннага кирганда уни ток уради ва ҳушидан кетиб йиқилади. Тахминан 20 дақиқа давомида соч қуритгич унинг қўли остида қолиб, ишлашда давом этган. Оқибатда аёлнинг бир қўли куйиб кетган.
Бундан хабар топган турмуш ўртоғи аёлни зудлик билан шифохонага олиб борган. Лекин куйиш 3-даражали бўлгани ва у суяккача етиб боргани учун қўлни бутунлай кесиб ташлашга тўғри келган.
Операциядан сўнг аёл шифохонада бир ой даволанди ва ҳозирда бир қўл билан яшашни ўрганмоқда. Бахтсиз ҳодисадан сўнг Мери Уилсон фен ишлаб чиқарувчи компанияларга қурилмага автоматик ўчиш функциясини қўшишни таклиф қилди.
