Maʼlum bo‘lishicha, Andijon shahridagi 11-sonli maktab o‘quvchilarining o‘zaro kelishmovchiligi ortidan qorovul tomonidan tashvish tugmasi bosilgan.
Tezkor harakatlanuvchi guruh xodimlari tashvish xabari asosida voqea joyiga kelishganda o‘quvchilardan birining akasi va onasi boshqa o‘quvchilar bilan tortishayotganiga guvohi bo‘lishadi. Xodimlar ularni tinchlantirishga harakat qilishganda fuqaro qonuniy talablarni bajarmagan va faol qarshilik ko‘rsatgan. Xodimlar tomonidan ushbu holat bartaraf qilinib, fuqaro o‘rnatilgan tartibda IIOga topshirilgan.
Jinoyat ishlari bo‘yicha Andijon shahar sudi tomonidan fuqaroga maʼmuriy jarima belgilangan.