«Барселона» қарзи 1,35 миллиард еврога етгани маълум бўлди

 

 

Мураббий шу боис «Barcelona» футболчилари билан музокара олиб бориш қийинлашгани, бу ҳолат охир-оқибат Лионел Мессининг кетишига олиб келганини айтди. Президент бунда клубнинг аввалги маъмуриятини айблади.

 

"Бизнинг маошимиз клуб умумий даромадининг 103 фоизини ташкил қилади, рақобатчиларимиздан 20-25 фоиз кам", — деди Лапорта душанба куни ўтказилган матбуот анжуманида.

 

Лапорта клубнинг оғир молиявий аҳволи ҳақида гапирар экан, ўзидан олдинги Хосеп Бартомеуни ёлғончиликда айблади. Жоаннинг фикрича собиқ директорлар кенгаши жавобгарликка тортилиши керак. Эслатиб ўтамиз, Бартомеу ўтган йили молиявий қийинчиликлар туфайли истеъфога чиққани эълон қилинган эди. Жамоа собиқ директори ижтимоий тармоқдаги саҳифасида у ҳеч қандай қонунбузарликка йўл қўймаганини ёзган.

 

«Barcelona» қарзининг қарийб 390 миллион евроси футболчилар маоши, 670 миллион евродан кўпроғи банк қарзлари, қолган 40 миллион евро эса аъзолик йўқотишлари билан боғлиқ. Лапортанинг айтишича, “COVID-19“ пандемияси клубга 91 миллион евро зарар етказган.

 

Лапорта жамоа ойлик маошини қарийб 200 миллион еврога қисқартирмоқчи ва ёш футболчиларни рағбатлантиришга алоҳида эътибор қаратмоқчи эканини айтди. «Барселона» шу йилнинг ёзида Серхио Агуэро, Мемфис Депай ва Эрик Гарция каби машҳур футболчиларни сотиб олди. Аммо клуб Мессини бой берди.

 

 

Мурод Баҳодиров