Kecha, 30-mart kuni Germaniya Bundesligasining 27-turidan o‘rin olgan “Bavariya” – “Borussiya Dortmund” uchrashuvi yakuniga yetdi. Jamoalar Myunxendagi "Alyans Arena"da o'ynashdi. Uchrashuvni Harm Osmers boshchiligidagi hakamlar brigadasi boshqarib bordi va unda dortmundliklar zafar quchdi.
Bu Dortmund klubi uchun 2019-yildan beri “Bavariya” ustidan qozonilgan ilk g‘alabadir. Myunxenda "Borussiya" 2014-yildan beri "Bavariya"ni mag'lub eta olmayotgandi.
"Bavariya" 2023/2024-yilgi mavsumda Bundesliga turnir jadvalida ikkinchi o'rinda bormoqda. Jamoa 27 uchrashuvda 60 ochko jamg‘argan. “Borussiya” 53 ochko bilan to‘rtinchi o‘rinni egallab turibdi. Germaniya chempionati turnir jadvalini “Bayer” boshqarib turibdi (73).