1-iyun – Xalqaro bolalarni himoya qilish kuni munosabati bilan oilaviy uylarni tashkil etgan, fidoyi, o‘z ishiga sadoqatli insonlar taqdir taqozosi bilan ota-ona qaramog‘idan mahrum bo‘lgan bolalari bilan birga Senatga tashrif buyurishdi.
Samimiy ruhda o‘tkazilgan uchrashuvda davlat tomonidan bolalarning manfaatlarini taʼminlash borasida olib borilayotgan ishlar, Mehribonlik uylarining o‘rniga bolalarning oilaviy uylarda tarbiyalanishi ahamiyati, bolalarning salohiyatini yuzaga chiqarish borasidagi imkoniyatlar yuzasidan qizg‘in fikr almashildi.
Ahamiyatlisi, bolalarning o‘zlari ham muloqotda faol ishtirok etishdi.
Senatorlar o‘zlari saylangan okruglarda faoliyati yo‘lga qo‘yilgan oilaviy bolalar uylariga har tomonlama ko‘maklashib turishga kelishib oldilar.
Shu bilan birga, ko‘rib chiqilayotgan normativ-huquqiy hujjatlarning bolalar manfaatlariga mos kelishi, bu yo‘nalishda qabul qilingan qonunchilik hujjatlarining amaldagi ijrosi ustidan parlament nazoratining qatʼiy olib borilishi ham belgilab olindi.