Isroil Bosh vaziri Benyamin Netanyaxu ilk marta Ismoil Haniyaning o‘ldirilishi ortidan Yaqin Sharq siyosatchilari bildirgan keskin munosabatlarga javob qaytardi.
“Bizni qiyin kunlar kutib turibdi. Bayrut hujumidan beri har tomondan tahdidlar bo‘lmoqda. Biz barcha ssenariyga tayyormiz va har qanday tahdidga bor kuchimiz bilan qatʼiy qarshi turamiz”, — degan u.
Isroil matbuotiga ko‘ra, yahudiy davlat diplomatlariga xavfsizlikni yana-da kuchaytirish va ommaviy tadbirlardan qochish bo‘yicha ko‘rsatmalar berilgan. Eron rahbari Oyatulloh Xomanaiy esa Isroilga zarba berishni buyurgani haqida xabarlar tarqalmoqda.
Xalqaro hamjamiyat, xususan, BMT Bosh kotibi va AQSH davlat rahbari tomonlarni tajovuzkor ritorikadan voz kechishga chaqirdi.