Бухорода валюта айирбошлаш билан шуғулланиб келган шахслар ушланди
Айни вақтда ҳолат юзасидан тергов ҳаракатлари ўтказилмоқда.
Бухорода валюта савдоси билан шуғулланиб келган шахслар ушланди. Бу ҳақда Прокуратура Департаменти матбуот хизмати хабар берди.
Қайд этилишича, Бош прокуратура ҳузуридаги Департаментнинг Бухоро шаҳар бўлими томонидан ўтказилган тезкор тадбирда валюта айирбошлаш билан шуғулланиб келган A.Н. фуқаро В.С.dan 240 минг Россия рублини 31,2 млн сўмга сотиб олган вақтида ашёвий далиллар билан ушланган.
Шу каби, Департаментнинг Ғозғон шаҳар бўлими томонидан ўтказилган тезкор тадбирда фуқаро М.М жами 1,3 миллион Қозоқ тенгесини фуқаро A.Ж.ga 37 млн сўмга сотишга келишиб, шундан ёнида бўлган 1,2 млн Қозоқ тенгесини берган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
