Maktab o‘quvchilari xavfsizligini taʼminlash maqsadida har kuni ertalab soat 07:00 dan boshlab PPX xodimlari maktablar atrofida patrullik qiladi.
Bolalarning o‘g‘irlanishi haqidagi soxta xabarlar tarqalganidan so‘ng, Toshkent shahar IIBB xabar berishicha, so‘nggi 5 yil ichida birorta ham bola o‘g‘irlash holati kuzatilmagan bo‘lsa ham poytaxtda bolalar xavfsizligi bo‘yicha chora-tadbirlarni kuchaytirishga qaror qilindi.
Endilikda huquq-tartibot idoralari xodimlari har kuni ertalab soat 07:00 dan boshlab maktablardagi vaziyatni nazorat qilib boradi, patrul post xizmati xodimlari esa maktablar atrofida, ayniqsa, qorong‘u ko‘chalarda patrullik qiladi.
Bundan tashqari, ota-onalar huquq-tartibot idoralari xodimlari bilan doimo aloqada bo‘lishi uchun maktabdagi barcha Telegram guruhlariga maktablarda faoliyat yurituvchi psixolog inspektorlar qo‘shiladi.